იოგა სანსკრიტული სიტყვაა. მას რამდენიმე მნიშვნელობა აქვს და კავშირს, ერთობას, გაერთიანებას გულისხმობს. იოგას შესახებ წერია უძველეს ინდურ ფილოსოფიურ ნაშრომებში „უპანიშადებში“(ძვ. წ.აღ700-300წწ), რომელიც ქართულ ენაზე თარგმნა ბატონმა ლერი ალიმონაკმა და ქართველი მკითხველი მას 1995 წელს გაეცნო. უპანიშადებში აღწერილია იოგა, როგორც გზა, მეთოდი მედიტაციისა და ჭეშმარიტების შეცნობისა. უფრო მოგვიანებით კი, იოგას მოვლენა ფართოდ აღიწერა ბჰაგავად-გიტაში.
ამ უძველეს მსოფლიომნიშვნელობის ფილოსოფიურ ნაწარმოებში იოგას, თვით ინდუიზმის ღმერთების პანთეონის უზენაესი ღვთაება კრიშნა განუმარტავს თავის მეგობარს არჯუნას.

ქართულ ენაზე ბჰაგავად გიტას რამდენიმე თარგმანი არსებობს. მათ შორის უახლესი გახლავთ ბატონ ლევან რამიშვილის თარგმანი.

ძვ. წ.აღ-ის II საუკუნეში დაიწერა იოგას პირველი სახელმძღვანელო „იოგასუტრა“,რომელიც 194 აფორიზმისაგან შედგება და მასში პატანჯალი _ „იოგასუტრას“ ავტორი იოგას რვა ნაწილად ჰყოფს. ესენია:

იამა – თვითკონტროლია.
ნიამა – თვითრეგულაციაა.
ასანა – სხეულის პოზებია.
პრანაიამა – სუნთქვითი ვარჯიშებია, რომლის მეშვეობითაც გონების კონტროლს სწავლობ.
პრატიაჰარა – გრძნობათა კონტროლია.
დჰარანა – კონცენტრაციაა.
დჰიანა – მედიტაციაა.
სამადჰი – ზეცნობიერების მდგომარეობაა.

იოგა – ყველასთვის ხელმისაწვდომი სასწაულმოქმედება იოგა სუტრა ქართულ ენაზე თარგმნა ინდოლოგმა ნიკოლოზ კენჭოშვილმა. ამ თარგმანს თავისი განმარტებებიც ახლავს, ვინაიდან იოგა სუტრა საკმაოდ რთული ტექსტია, რაზედაც მიუთითებს ის ფაქტი, რომ მისი თარგმანების სხვადასხა ვერსიები დიდად განსხვავდებიან ერთმანეთისაგან. ეს წიგნი 2008 წელს გამოიცა.

მე-15 საუკუნით თარიღდება ტექსტი „ჰათჰა იოგა პრადიპიკა“, რომელიც გახლავთ ერთერთი უპირველესი წიგნთაგანი ჰათჰა იოგას პრაქტიკაში, გჰერანდა და შივა სამჰიტებთან ერთად (ეს უკანასკნელნი უფრო გვიანდელია). სწორედ ეს იოგა არის უახლოესი წინაპარი თანამედროვეობაში გავრცელებული იოგასი, რომელიც მიიჩნევა, ჯანმრთელობის რეაბილიტაციის, სხეულის გაკაჟებისა და ორგანიზმის გაახალგაზრადავების საუკეთესო საშუალებად.

თანამედროვე ჰათჰა იოგა ძალიან განსხვავდება იმ სახეობებისაგან, რომლებიც ზემოთ იქნა აღნიშნილი და ორიენტირებულია ადამიანის ჯანმრთელობაზე. ეს სახეობა ფართოდ არის გავრცელებული ევროპისა და ამერიკის ქვეყნებში და მას მილიონობით ადამიანი მისდევს არამხოლოდ ფიზიკური ჯანმრთელობის არამედ, როგორც სტრესისაგან განთავისუფლების საშუალებას.

იოგა მართლაც რომ სასწაულთმოქმედია. ვინაიდან ადამიანის სიცოცხლის გახანგრძლივებას საკმაოდ ეფექტურად ემსახურება.

საქართველოში იოგას ფედერაცია ერთი წლის წინ დაარსდა. მისი პრეზიდენტი გიორგი ბერძენიშვილია. იგი იოგას პრაქტიკულ მეცადინეობებს ატარბს ფიტნეს კლუბ „პრაიმფიტნესში“, სადაც მსურველებს კვირის ნებისმიერ დღეს შეუძლიათ მივიდნენ და ივარჯიშონ იოგა.

იოგა – ყველასთვის ხელმისაწვდომი სასწაულმოქმედება „იოგას ფედერაციის შექმნა საქართველოში ჩემი დიდი ხნის სურვილი იყო და ეს ერთი წლის წინ მოვახერხეთ. ფედერაციის დაარსების შემდეგ საქართველოს სხვადასხვა ქალაქებიდანაც კი გვქონდა გამოხმაურება და შემოთავაზება იოგას სკოლების გახსნისა.
– ბატონო გიორგი, იოგას რომელი სახეობა არის ჩვენთან ყველაზე უფრო გავრცელებული?

– ეს არის თანამედროვე იოგა, რომელიც ნაკლებად ატარებს ფილოსოფიურ ხასიათს. იოგას ეს მიმდინარეობა, რომლითაც ჩვენთან ვარჯიშობენ, ევროპელების მიერაა მოდერნიზებული. მათ კლასიკურ იოგას ჩამოაშორეს სხვადასხვა ელემენტები და სიახლეებთან ერთად შექმნეს ახალი სტილი ფიტნესიოგა.

–რა გავლენას ახდენს იოგას ვარჯიშები ადამიანის ჯანმრთელობაზე?

იოგას ვარჯიშები აჯანსაღებს სხეულს, სძენს მას ელასტიურობას, მოქნილობას. ვარჯიშის პროცესში კუნთების აქტიური მოქმედება მძლავრი მასტიმულირებელი საშუალებაა, იმისათვის რომ ორგანიზმის დაბერების პროცესს ხელი შეუშალოს. იოგას ვარჯიშების შესრულება საუკეთესოა დაავადებათა თავიდან ასაცილებლად, ამასთან სამკურნალოდ – გულ-სისხლძარღვთა, საჭმლის მომნელებელი სისტემის პრობლემის, განსაკუთრებით კი ხერხემლის დაავადებების სამკურნალოდ.

– თუ შეიძლება, იოგას ვარჯიშებმა უარყოფითი გავლენა მოახდინონ ადამიანის ჯანმრთელობაზე?

–კონკრეტულ უკუჩვენებებს ვერ დავასახელებთ. ეს დამოკიდებულია, თუ როგორ ხდება ვარჯიშის შესრულება. ვარჯიში უნდა შესრულდეს სწორად, ინტრუქტორის მითითებით და შეუცდომლად. ძალიან მნიშვნელოვანია ვარჯიშის შერჩევა. გააჩნია, რა დაავადებები აწუხებს ადამიანს და ამის გათავლისწინებით უნდა შესრულდეს ვარჯიში. თუმცა რისკი იმაზე ბევრად ნაკლებია, ვიდრე სპორტის სხვადასხვა მიმდინარეობებში. აქ ბევრად უფრო დაზღვეულები ვართ სავალალო შედეგისაგან, რადგან ვარჯიში ნელა სრულდება და გონებაც მთლიანად მასზეა კონცენტრირებული.
– შესაძლებელია თუ არა იოგას ვარჯიშების სახლში შესრულება, მასწავლებლის გარეშე და მიღებული შედეგი თუ არის განსხვავებული?

– სახლში ვარჯიშის შესრულება შესაძლებელია, ამისთვის სპეციალური ვიდეოგაკვეთილებიც კი არსებობს. თუმცა აქვს უარყოფითი მხარე, ადამიანს არ ჰყავს მასწავლებელი, რომელიც, ვარჯიშის შეცდომით შესრულების შემთხვევაში, ურჩევს, თუ როგორ უნდა გაკეთდეს ესა თუ ის ასანა ან რამდენად რეკომენდებულია ამ ადამიანისთვის კონკრეტული ვარჯიშის შესრულება. როცა ჯანმრთელობის მდგომარეობის გასაუმჯობესებლად ვიწყებთ ვარჯიშებს, დამწყების მდგომარეობა უნდა იყოს გათვალისწინებული ინსტრუქტორის მიერ.

იოგა – ყველასთვის ხელმისაწვდომი სასწაულმოქმედება
– როგორ უნდა მოვემზადოთ იოგას ვარჯიშების შესასრულებლად?

– უპირველეს ყოვლისა ვარჯიშის წინ უნდა შევიქმნათ სავარჯიშო განწყობა, განვთავისუფლდეთ ყოველდღიური საზრუნავისაგან და დავისახოთ ბეჯითი ვარჯიში. მეორე რაც მნიშვნელოვანია, ეს არის სწორი სუნთქვის შესწავლა. უნდა ისუნთქოთ ცხვირით, შეძლებისდაგვარად ღრმად და მშვიდად. ვარჯიშის დაწყების წინ სასურველია, ინსტრუქტორს გაესაუბროთ, რაც მან უნდა გაითვალისწინოს თქვენთან მუშაობის პროცესში.

– დაახლოებით რამდენ ხანს შეიძლება გაგრძელდეს ვარჯიშის პროცესი და რა ინტენსივობით?

– საშუალო ჯანმრთელობის ადამიანმა შეიძლება ივარჯიშოს 1 საათის განმავლობაში. კვირაში 3-ჯერ ეს ნორმალურია, თუმცა უმჯობესია დღეგამოშვებით ან ყოველდღიურად. როდესაც ყოველდღიურად ვარჯიშობთ დატვირთვები სწორად უნდა გადანაწილდეს კვირის განმავლობაში. არადამაკმაყოფილებელი ჯანმრთელობის მდგომარეობის დროს რეჟიმი სპეციალურად უნდა იქნას შერჩეული.

– ვარჯიშის დაწყებიდან დაახლოებით რამდენ ხანშია შესაძლებელი შედეგის მიღება?

– ვარჯიშის დაწყებიდან ერთ კვირაში შედეგი უკვე შეიძლება ვიგრძნოთ, მაგალითად, ზურგი აღარ დაგეღლებათ,უფრო გამართული იქნებით, ძილი გაუმჯობესდება და ა.შ. ხოლო როდესაც სხეულის კორექციაზეა საუბარი, შედეგი რომ უფრო თვალსაჩინო იყოს, უნდა დავიცვათ კვების რეჟიმი, რომელიც არც თუ ისე რთულია. შეიძლება 1-2 თვის შემდეგ იგრძნოთ წონის კლება, ეს ნაწილობრივ ინდივიდუალურია. თუმცა მე ყველას ვურჩევ ვისაც წონის კორექცია უნდა, სხეულის გარშემოწერილობების გაზომვას, ვინაიდან შეიძლება იგივე წონა დარჩეს, თუმცა უფრო გამხდარად გამოიყურებოდეს, ამ დროს ხდება სხეულის კორექცია, ფორმების შეცვლა და ბუნებრივია პიროვნება ვიზუალურად უფრო ლამაზად გამოიყურება.

– როგორც ბატონმა გიორგიმ გვითხრა, მათ ცენტრში ნებისმიერ ადამიანს შეუძლია მივიდეს და სასურველი გრაფიკი შეარჩიოს, ყოველდღიურად, დილა-საღამოს.
– აღვწერთ იოგას ერთერთ ყველაზე უფრო გავრცელებულ ასანას „სარვანგასანას“

იოგა – ყველასთვის ხელმისაწვდომი სასწაულმოქმედება შეუძლებელია სარვანგასანის მნიშვლენობის გადაჭარბება. ეს პოზა არის ერთ ერთი უდიდესი მადლი, ძველი ბრძენების მიერ ჩუქებული კაცობრიობისთვის. სარვანგასანა არის დედა ყველა ასანის. როგორც დედა ზრუნავს სახლის ჰარმონიასა და ბედნიერებაზე, ასევე ეს ასანა მიისწრაფვის ადამიანის ორგანიზმში ჰარმონიისა და კეთილდღეობის დასამყარებლად.ეს არის წამალი უმეტესობა გავრცელებული დაავადებების წინააღმდეგ. ადამიანის ორგანიზმში არსებობს შინაგანი სეკრეციის ჯირკვლები, რომლებიც მარაგდებიან სისხლით, ხოლო გამოყოფენ ჰორმონებსა და საჭირო ნივთიერებებს, რაც აუცილებელია სხეულისა და ტვინის სწორი ფუნქციონირებისათვის. თუ ამ ჯირკვლების ფუნქციონირება დარღვეულია და ჰორმონები არასაკმარისი რაოდენობით გამოიყოფა, მაშინ ორგანიზმის მდგომარეობა უარესდება.

ბევრი ასანა უშუალოდ მოქმედებს შინაგანი სეკრეციის ჯირკვლებზე და ეხმარება მათ სწორ ფუნქციონირებაში.სარვანგასანა განსაკუთრებით ძლიერ მოქმედებს ფარისებრ და პარაფარისებრ ჯირკვლებზე, რომლებიც ყელის არეშია მოთავსებული, რადგანაც ,,ბანდჰა“ უზრუნველყოფს ამ ჯირკვლებში სისხლის კარგად მიწოდებას. გარდა ამისა, სხეულის თავდაყირა მდგომარეობის გამო ვენური სისხლი თავისუფლად მიეწოდება გულს სიმძიმის ძალის ზემოქმედებით. ეს კი აძლიერებს ჯანმრთელი სისხლის მიწოდებას ყელისა და მკერდის არეში. რის შედეგადაც შვებას იღებენ, ჰაერის უკმარისობით, გულის აჩქარებით, ასთმით ბრონჰიტით და ცხვირხახის დაავადებების მქონე ხალხი. ვინაიდან თავი ამ თავდაყირა პოზაში უძრავია, ხოლო სისხლის მიწოდება რეგულირდება ,,ბანდჰით“, ნერვულის სისტემა მშვიდდება და თავის ტკივილები (თუნდაც ქრონიკული) ქრება. ამ ასანის ხანგრძლივი პრაქტიკა აღმოფხვრის ყოველგვარ გაციებას, სურდოს და სხვა ცხვირხახის დაავადებებს. სარვანგასანას დამამშვიდებელ ზემოქმედებას ნერვულ სისტემაზე მოაქვს შვება ხალხისთვის, რომლებსაც აქვთ მაღალი არტერიული წნევა, გაღიზიანებადობა, ფეთქებადობა, ნერვიული გულყრები და უძილობა. თავდაყირა პოზიცია ასევე დადებითად ზემოქმედებს მუცლის ღრუს ორგანოებზე, აძლიერებს ნაწლავების პერისტალტიკას, აუმჯობესებს კუჭის მოქმედებას და განკურნავს კუჭის შეკრულობას. ამის შედეგად ორგანიზმი თავისუფლდება ტოკსინებისაგან, უმჯობესდება გუნება-განწყობა და იგრძნობა ენერგიის მოზღვავება.

ეს ასანა ეხმარება შარდსასქესო ორგანოების ფუნქციონირების დარღვევის, საშვილოსნოს დაწევის, მენსტრუაციის დარღვევის, ბუასილის და თიაქარის შემთხვევაში. ასევე ეხმარება ეპილეფსიის, დაბალი სიცოცხლისუნარიანობის და ანემიის შემთხევაში.

არ იქნება გადაჭარბებული თუ ვიტყვით, რომ ადამიანი რომელიც რეგულარულად ასრულებს სარვანგასანას, იგრძნობს ძალების მოზღვავებას, იქნება ბედნიერი და თავდაჯერებული. ახალი სასიცოცხლო ძალები გამოიღვიძებენ მასში, გონება დამშვიდდება და შეიგრძნობს ცხოვრების სიხარულს. ხანგრძლივი ავადმყოფობის შემდეგ ამ ასანის დღეში ორჯერ შესრულება საშუალებას მისცემს აღიდგინოს დაკარგული ჯანმრთელობა. სარვანგასანას ციკლი ასტიმულირებს მუცლის ღრუს ორგანოებს, აძლევს შვებას კუჭისა და ნაწლავების წყლულით, მუცლის ტკივილებით და კოლიტით დაავადებულებს. მათ ვისაც აწუხებს მაღალი არტერიული წნევა სარვანგასანა მხოლოდ მას შემდეგ, რაც კარგად აითვისებენ ჰალასანას(გუთნის პოზას) და შეძლებენ მასში სამი წუთით დაყოვნებას.

შესრულების ტექნიკა:

1. დაწექით გულაღმა ხელისგულები ტანის გასწვრივ იატაკს ეყრდნობა ფეხები გამართულია და შეტყუპებული.
2. შეისუნთქეთ და ამოსუნთქვასთან ერთად მოხარეთ ფეხები და მუხლები მკერდთან მიიტანეთ.
3.შეისუნთქეთ და ამოსუნთქვასთან ერთად დაეყრდენით ხელებს და ასწიეთ ტანი ისე რომ მუხლები შუბლთან აღმოჩნდეს, ხოლო ტანი კი იატაკის ვერტიკალურად ზემოთ გაიჭიმოს. მოხარეთ ხელები და ზურგი ხელებით დაიჭირეთ, ისე რომ სხეული მჭიდროდ დაფიქსირდეს. ხელები უნდა ეხმარებოდეს ხერხემალს ვერტიკალურ გაჭიმვაში.
4. შეისუნთქეთ და და ამოსუნთქვასთან ერთად გაშალეთ ფეხები ზემოთ ისე, რომ ტანი და ფეხები ერთ ხაზს ქმნიდნენ, იატაკის ვერტიკალურს. ამ პოზაში დაყოვნდით 30 წამიდან-1 წუთამდე. ან მეტხანს*
5. ჩამოსვლისა შეისუნთქეთ და და ამოსუნთქვასთან ერთად მოხარეთ ფეხები და მუხლები შუბლთან მიიტანეთ.
6. დადეთ ხელები იატაკზე და დაეყრდენით. შეისუნთქეთ და ამოსუნთქვასთან ერთად ტანი და ფეხები ნელნელა დაუშვით იატაკზე. ამ დროს მუცლის კუნთები დაიჭიმება. თავი იატაკს არ მოშორდება.

წყარო: 7days.ge