,, შემიძლია უამრავი სისულელე ჩავიდინო,-ამბობდა დიზრაელი,-მაგრამ არასოდეს სიყვარულით არ ვიქორწინებ”. და ის არ დაქორწინდა. უცოლო დარცჰა ოცდათხუთმეტი წლის ასაკამდე, ხოლო შემდეგ ხელი სთხოვა მდიდარ ქვრივს, მერი ენის, რომელიც მასზე 15 წლით უფროსი იყო.სიყვარული? ო,არა. მერიმ იცოდა, რომ დიზრაელს არ უყვარდა.იცოდა, რომ მხოლოდ ფულის გულისთვის დაქორწინდა მასზე. ამიტომ ქალმა მხოლოდ ერთი თხოვნით მიმართა მას. დაეცადა ერთი წელი, რათა მისი ხასიათი შეესწავლა. ამ დროის გავლის შემდეგ იგი მისი ცოლი გახდა.

ყველაფერი ეს, ცოტა არ იყოს, პროზაულად ჟღერს და კომერციის სუნი ასდის. ასე არ არის? მაფრამ, რაც არ უნდა პარადოქსალური იყოს, დიზრაელის ქორწინება შეიძლება ერთ-ერთ ბედნიერ ქორწინებად ჩაითვალოს.

მდიდარი ქვრივი, რომელიც მან აირჩია,არ იყო არც ახალგაზრდა, არც ლამაზი, არც არააჩვეულებრივად ჭკვიანი. მისი საუბარი სავსე იყო ლიტერატურული და ისტორიული ლაფსუსებით. მაგალითად, არ იცოდა, ,, ვინ უფრო ადრე იყვნენ ბერძნები თუ რომაელები”. იცვამდა უცნაურად, სახლი უცნაურად ქონდა მორთული, მაგრამ იგი იყო გენიალური ცოლ-ქმრული ურთიერთობის ერთ-ერთ საკითხში-ქმართან ურთიერთობაში. იგი არ ცდილობდა ქმარს გატოლებოდა. როცა მეუღლე სახლში ბრუნდებოდა, მთელ დღეს ჰერცოგის მეუღლეებთან კამათით დამოსწრებული სიტყვა-პასუხებით დაღლილი, მერის სულელური ტიკტიკი ამშვიდებდა დიზრაელს. მისი სახლი იყო მზარდი სიამოვნების წყარო, იგი ყო ადგილი, სადაც მას შეეძლო გონებრივადაც დაესვენა და დამტკბარიყო მერის ენის მომხიბვლელობით.

წუთები, რომელსაც იგი თავის ხანშიშესულ მეუღლესთან ატარებდა, ყველაზე ბედნიერი იყო მის ცხოვრებაში.მერი იყო მისი მეგობარი,მესაიდუმლე და მრჩეველი, ყოველ საღამოს დიზრაელი თემთა პალატიდან სახლში მიიჩქაროდა, რათა მეუღლისათვის მოეთხრო ახალი ამბები. და, რაცყველაზე მთავარია, რაც არ უნდა მოემოქმედა, მერი ენს ეჭვი არ ეპარებოდა მის წარმატებაში.

ოცდაათი წლის განმავლობაში მერი ენი ცხოვრობდა დიზრაელისთვის და მხოლოდ მისთვის. თავის სიმდიდრესაც იმიტომ აფასებდა, რომ ეს  მეუღლეს ცხოვრებას უმსუბუქებდა. დიზრაელი კი კმაყოფილი იყო ყველაფერი ამისთვის. იგი გრაფი გახდა მეუღლის გარდაცვალების შემდგომ, მაგრამმაშინაც კი, როცაიგი თემთა პალატის წევრი იყო , დაარწმუნა დედოფალი ვიქტორია, დაეწინაურებინა მერი ენი პერად. ამგვარად 1868 წელს იგი გახდა ვიკონსფილდის ვიკონტის მეუღლე.

როგორც არ უნდა სულელურად და თავქარიანად გამოჩენილიყო მერი საზოგადოებაში,  დიზრაელი არასოდეს აკრიტიკებდა, არასოდეს წამოსცდენია საყვედური მისი მისამართით. და თუ ვინმე გაბედავდა მის დაცინვას, დიზრაელი უმალ გააფთრებით იცავდა მეუღლეს. მერი ენი არ იყო სრულყოფილი, მაგრამ 30 წლის განმავლობაში არ დაღლილა თავის ქმარზე ლაპარაკით, აქებდა და მოხიბლული იყო მისით, და როგორი იყო შედეგი ? ,,ჩვენ  ოცდაათი წელი ვიცხოვრეთ ერთად,- ამბობდა დიზრაელი, – და არასოდეს მომბეზრებია იგი”.

თავის მხრივ, დიზრაელს არასოდეს დაუმალია, რომ მერი ენის მის ცხოვრებაში დიდი ადგილი ეკავა. როგორია შედეგი? ,, მისი სიკეთის წყალობით , – ეუბნებოდა თავის მეგობრებს მერი ენი, – ჩემი ცხოვრება დაუსრულებელი ბედნიერება იყო. მათ თავიაანთ შეუღლებაზე უყვარდათ ხოლმე ხუმრობა. ,,შენ იცი, -ამბობდა დიზრაელი, მე შენზე მხოლოდ ფულის გულისთვის დავქორწინდი.” ამაზე მერი ენი ღიმილით პასუხობდა : ,, დიახ, ეს ასეა, მაგრამ შესაძლებელი რომ იყოს ყველაფრის თავიდან დაწყება, შენ ჩემზე სიყვარულით დაქორწინდებოდი, ასე არ არის?” და იგი აღიარებდა რომ ეს მართლაც ასე იყო. მერი ენი სრულყოფილი არ იყო. მაგრამ დიზრაელი საკმაოდ ჭკვიანი იყო და ხელს არ უშლიდა მას დარჩენილიყოისეთივე, როგორიც იყო.

ჰენრი ჯეიმსის თქმით: ,,მთავარი მცნება, რომლითაც უნდა ვიხელმძღვანელოთ ადამიანებტან ურთიერთობაში, მდგომარეობს ინაში, რომ არ უნდა შევუშალოთ ხელი ერთმანეტს თავისითგზა გაიკვლიოს ბედნიერებისაკენ, თუ, რა თქმა უნდა, იგი არ ეღობება თქვენს ბედნიერებას.”

ანდა, როგორც ლილენდ ფოსტერ ვუდი აცხადებს თავის წიგნში ,,როგორ შევეთვისოთ ერთმანეთს ოჯახში:“  ბედნიერი ცოლ-ქმრული ცხოვრება დამოკიდებულია არამარტო იმაზე,  რომ ნახოთ შესაფერისი ადამიანი , არამედ იმაზეც, რომ თვითონ გახდეთ ასეთი ადამიანი.”

ასე რომ, თუ გსურთ,რომ თქვენი ცხოვრება იყოს ბედნიერი ისმინეთ შეგონება: ,, არ შეეცადოთ თავიდან აღზარდოთ მეუღლე.“

დეილ კარნეგი